Mga tinahud kong Katawhan sa Banaybanay:
Karung adlawa atong gi selebrar ang ika 52 nga Araw ng Banaybanay. Gikan niadtong milabayng tuig nakig batok kitang tanan sa hagit sa pandemya sa COVID19, diin tibuok kalibutan ang na apektuhan hangtud karung mga orasa. Gumikan niini, apektado usab ang atong ekonomiya lakip na ang pag implementar sa uban natong mga programa ug proyekto tungod kay atong gi hatagan ug bug-os nga prayoridad ang kasegurugan ug kaayuhan sa atong mga katawhan. Apan kini nga hagit dili nato himuong rason nga dili mapadayun ang pagpa-abot sa atong pag panerbisyo kaninyu arun mapagaan ang krisis nga atong gi atubang sa pagka karun.
Buot nakong hatagan ug pasidungog ang tanang miyembro sa atong lokal nga task force sa COVID19 ilabi na sa atong Incident Management Team (IMT) nga gipanguluhan sa atong Incident Commander Kristopher Rey Alongo ug sa atong Municipal Health Officer (MHO) Dr. Nemesia M. Andoy uban sa iyang team nga adlaw ug gabie naka tutok sa atong sitwasyon ug pag responde batok sa COVID19. Sa tanan nga mga frontliners, gikan sa mga nagka daiyang barangay ug sa atong munisipyo dili ta mo maisa isa ug hinganlan, apan buot nakong ipaabot kaninyu ang akong kinasing- kasing nga pagpasalamat sa inyung pag suporta ug pag kooperar sa atong mga programa batok COVID19.
Sa pagka karun, aktibo natong ginahimo ang mass vaccination program sa atong Lungsod tungud kay kini lamang ang maka sulbad sa pandemya nga atong gi atubang sa pagka karun. Akong gi awhag ang tanan nga atong hatagan ug bug-os nga pagsalig ang atong gobyerno nga maoy nag latid ug mga programang pang seguridad natong tanan pinaagi sa programang Resbakuna sa Department of Health (DOH). Pinaagi niini, ug pinaagi sa inyung pagsalig ug kooperasyon, tim-os natong matagamtaman sa daling panahon ang kasulbaran sa krisis sa pandemya ug mabalik sa normal ang pagkinabuhi natong tanan.
“We heal As One”. Atong paningkamutan nga walay mahabilin sa atong komunidad nga dili bakunado arun mahatagan nato ug proteksyon ug seguridad ang tanan.
Daghang SALAMAT ug MABUHAY ang ika 52 nga ARAW NG BANAYBANAY!!!!
KANINYU MATINAHURON,
Mayor Adalia Caballero Lopez, MPA-GA (Source)
